កុំចេះតែហ៊ានជាមួយប៉ូលិសខណ្ឌដង្កោ ចំណាយពេលតែ១០នាទីជនសង្ស័យ២នាក់ត្រូវបានសមត្ថកិច្ចដេញស្ទាក់ចាប់បានភ្លាមៗក្រោយពេលធ្វើសកម្មភាពឆកកាបូបលុយពីស្ត្រីម្នាក់បានសម្រេច

ភ្នំពេញ-ជនសង្ស័យ២នាក់ត្រូវបានកម្លាំងនគរបាលខណ្ឌដង្កោដេញស្ទាក់បានចាប់ឃាត់ខ្លួនបានភ្លាមៗក្រោយពេលធ្វើសកម្មភាពឆក់កាបូបលុយពីស្ត្រីអ្នកលក់សាច់ក្រកម្នាក់បានសម្រេចនៅវេលាម៉ោង៣និង០០នាទីរសៀល ថ្ងៃទី១៦ ខែតុលា ឆ្នាំ២០២៤ ស្ថិតនៅតាមបណ្តោយផ្លូវបេតុងព្រៃស សង្កាត់ពងទឹក ខណ្ឌដង្កោរាជធានីភ្នំពេញ។

ដោយមានការបញ្ជាផ្ទាល់តាមវិទ្យុទាក់ទងពីលោកវរសេនីយ៍ឯក ជឹម ស៊ីថា.អធិការនគរបាលខណ្ឌដង្កោ ទើបកម្លាំងគ្រប់បណ្តាប៉ុស្តិទាំង១២បានធ្វើការពួនស្ទាក់. ដេញប្រផិតចាប់ប្រផីញ. ចាប់តាំងពីចំនុចជនសង្ស័យធ្វើសកម្មភាពឆក់រហូតមកដល់ស្តុបថ្នល់បត់ចំការដូង ផ្លូវ២១៧ សង្កាត់ដង្កោ ខណ្ឌដង្កោ កម្លាំងសមត្ថកិច្ចបានធ្វើការឃាត់ខ្លួនជនសង្ស័យទាំង២នាក់ខាងលើបានភ្លាមៗ. ។
ក្រោយពេលឃាត់ខ្លួនបានជនសង្ស័យខាងលើសមត្ថកិច្ចបានបញ្ជូនជនសង្ស័យទាំង២នាក់ខាងលើមកធ្វើការសាកសួរនិងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌដង្កោ ដើម្បីកសាងសុំនុំរឿងបញ្ជូនទៅកាន់តុលាការចាត់ការតាមផ្លូវច្បាប់៕