ផ្លូវរអិល ភ្លៀងរលឹមផង បេីករថយន្តលឿន ជ្រុលចង្កូតបុកក្បាលនាគពុះចែកទ្រូងផ្លូវ បណ្តាលអោយបាក់បែកចំនួន២កង់ កេីតហេតុនៅវេលាម៉ោង២១ម៉១០នាទី នៅមុខក្រសួងវប្បធម៌ និងវិចិត្រសិល្បះ តាមបណ្តោយផ្លូវព្រះនរត្តម ស្ថិតក្នុងសង្កាត់ទន្លេបាសាក់ ខណ្ឌចំការមន ។
អ្នកបេីកបររថយន្តខាងលេីមិនត្រូវបានស្គាល់អត្តសញ្ញាណឡេីយ ភេទប្រុស បានរងរបួសបែកក្បាល ត្រូវបានគេបញ្ជូនទៅព្យាបាលនៅក្លីនិចឯកជន ចំណែករថយន្តដែលបង្កម៉ាក Jeep ពណ៌ប្រផេះលាយខ្មៅ ពាក់ស្លាកលេខ កម្ពុជា H.TH8989 ។
បេីតាមប្រភពព័ត៌មានបានអោយដឹងថា មុនពេលកេីតហេតុ គេឃេីញរថយន្តខាងលេី បេីកតាមបណ្តោយផ្លូវព្រះនរត្តម ក្នុងទឹសដៅពីជេីងទៅត្បូង ក្នុងល្បឿនលឿន មកដល់ចំណុចកេីតហេតុ ក៏បេីកគេចម៉ូតូកង់បី ផាស់អាប់ ដែលធ្វេីដំណេីរស្របទឹសគ្នា រថយន្តបង្កក៏ចាប់ហ្វ្រាំង ហេីយក៏រ៉េចង្កូតបុករបាំងថ្មពុះចែកទ្រូងផ្លូវតែម្តងទៅ ។
