តាមពិតគ្រោះថ្នាក់ចរាចរណ៍កាលពីម្សិលមិញអ្នកស្លាប់គឺជាចោរលួចម៉ួតូគេសោះទើបច្រលំឈ្មោះជនរងគ្រោះ

ភ្នំពេញ-ករណីគ្រោះថ្នាក់ចរាចរណ៍បុរសជិះម៉ូតូមួយនាក់ដែលត្រូវរថយន្តបុកស្លាប់ខ្ទេចសាកសពស្ថិតនៅតាមបណ្ដោយផ្លូវជាតិលេខ ៣ម្សិលមិញថ្ងៃទី ២២ខែតុលា ឆ្នាំ ២០២៤

ស្ថិតនៅភូមិអូរត្នោត ឃុំត្បែង ស្រុកកណ្ដាលស្ទឹង ខេត្តកណ្ដាល។
តាមការបញ្ជាក់របស់សមត្ថកិច្ចមូលដ្ឋានបានប្រាប់ឲ្យដឹងថាជនរងគ្រោះឈ្មោះ កៅ ចាន់តារាអាយុ ៣០ឆ្នាំជាងទីលំនៅ ស្ថិតនៅសង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។
ហេតុការណ៍បង្កឲ្យមានការភ្ញាក់ផ្អើលកាលពីវេលាម៉ោង ៤និ០០ជាងទាបភ្លឺទៅដល់ប្រជាពលរដ្ឋនិងមន្ត្រីមូលដ្ឋាន។សមត្ថកិច្ចមូលដ្ឋានបានបញ្ជាក់បន្ថែមទៀតថា-ជនរងគ្រោះឈ្មោះ កៅ ចាន់តារានេះ ជាជនសង្ស័យកាច់កម៉ូតូយ៉ាងសកម្ម ហើយក៏បានជិះគេច តាមបណ្ដោយផ្លូវជាតិលេខ ៣ក៏បានជួបនឹងហេតុការណ៍គ្រោះថ្នាក់ចរាចរណ៍បណ្ដាលឲ្យរថយន្តមួយគ្រឿងបុកកិនស្លាប់យ៉ាងអាណោចអាធ័ម នៅទីតាំងកើតហេតុខាងលើ ឥឡូវនេះម្ចាស់ម៉ូតូទ្រីមសង់សេ១២៥ដែលមានស្លាកលេខ 1 HA-1638 ត្រូវបានយកសំណុំឯកសារបញ្ជាក់មកទទួលម៉ូតូមូលដ្ឋានស្រុកកណ្ដាលស្ទឹង ខេត្តកណ្ដាល ទៅវិញហើយ។រីឯសាច់ញាតិជនសង្ស័យក៏បានសុំសាកសពយកទៅធ្វើបុណ្យតាមប្រពៃណីផងដែរ។
ពាក្យចាស់លោកពោល ( ឈាមស្រេកស្បែកហៅ ធ្វើល្អបានល្អធ្វើអាក្រក់ទទួលផលអាក្រក់) សូមបញ្ជាក់ថា ឈ្មោះ ស្រីអូន អាយុ៥២ ស្នាក់នៅភូមិខ្វិត សង្កាត់សាក់សំពៅ ខណ្ឌដង្កោ គឺជាម្ចាស់ម៉ូតូខាងលើមិនមែនជាអ្នកស្លាប់ក្នុងហេតុការណ៍គ្រោះថ្នាក់ចរាចរណ៍នោះទេ និងសូមអភ័យទោសដល់ម្ចាស់ម៉ូតូខាងលើផងដែរ៕