ភ្នំពេញ អគ្គិភ័យបានឆាបឆេះ ឃ្លាំងស្តុកទូក្លាស្សេសាច់មាន់និងជើងមាន់មួយកន្លែងបង្កការភ្ញាក់ផ្អើលដល់ប្រជាពលរដ្ឋនិងកម្លាំងសមត្ថកិច្ចអាជ្ញាធរមូលដ្ឋានហៅរថយន្តចុះទៅជួយអន្តរាគមន៍ទាន់ពេលវេលា ហេតុការណ៍នេះបង្កការភ្ញាក់ផ្អើលកាលពីវេលាម៉ោង១០និង១0នាទីព្រឹកថ្ងៃទី២៨ខែតុលាឆ្នាំ២០២៤ នៅក្បែរទីលានចាក់សំរាមស្ទឹងមានជ័យ ស្ថិតនៅភូមិដំណាក់ធំ សង្កាត់ស្ទឹងមានជ័យទី២ ខណ្ឌមានជ័យ ។
ម្ចាស់ទីតាំងឈ្មោះ ស៊ីម ម៉េងក្រុង ភេទប្រុស អាយុ ៤៤ឆ្នាំ មុខរបរចែកចាយសាច់។ មុខរបរ: ម្ចាស់ទីតាំង ស៉ីម ម៉េងក្រុង ស្តុកនឹងចែកចាយសាច់
បើតាមប្រភពព័ត៌មានបានឲ្យដឹងថា មុនគេមុនពេលកើតហេតុគេឃើញមានផ្សែងហុយចេញពីឃ្លាំងស្តុកទូក្លាស្សេសាច់មាន់និងជើងមាន់ខាងលើ រួចក៏មានអណ្ដាតភ្លើងឆាបឆេះយ៉ាងសន្ធោសន្ធៅ ក៏បានរាយការណ៍ទៅកម្លាំងសមត្ថកិច្ចអាជ្ញាធរមូលដ្ឋាន ដើម្បីហៅរថយន្តពន្លត់អគ្គិភ័យចុះមកជួយអន្តរាគមន៍ បន្ទាប់ពីបានទទួលព័ត៌មានថាមានអគ្គិភ័យឆាបឆេះឃ្លាំងខាងលើសមត្ថកិច្ចមូលដ្ឋានក៏បានរាយការណ៍ទៅខាងពន្លត់អគ្គិភ័យ ដើម្បីឲ្យមកបាញ់ពន្លត់អគ្គិភ័យដែលបានកំពុងតែឆាបឆេះ ពេលនោះរថយន្តពន្លត់អគ្គីភ័យរបស់ស្នងការនគរបាលរាជធានីភ្នំពេញក៏បានមកដល់កន្លែងកេីតហេតុជាច្រើនគ្រឿងក៏បានធ្វើការបាញ់ពន្លត់ រលត់ទៅវិញទាំងស្រុងនៅវេលាម៉ោង១០និង៤០នាទីព្រឹក ថ្ងៃខែឆ្នាំដដែល ។
បេីតាមការសន្និដ្ឋាន ការិយាល័យនគរបាលបង្រ្កាបពន្លត់អគ្គីភ័យ និងសង្រ្គោះ នៃស្នងការនគរបាលរាជធានីភ្នំពេញ មូលហេតុមកពីឆ្លងចរន្តអគ្គិសនី សមត្ថកិច្ចបានមតិបញ្ជាក់ទៀតថា ករណីអគ្គិភ័យនេះមិនរាលដាលដល់ផ្ទះបងប្អូនប្រជាពលរដ្ឋអ្នកជិតខាង ហើយក៏មិនមានបង្កឲ្យមនុស្សណាម្នាក់រងរបួសឬស្លាប់នោះទេ សម្ភារ:រងការខូចខាត ទូក្លាស្សេសាច់មាន់និងជើងមាន់មួយចំនួនតែប៉ុណ្ណោះ។
