ភ្នំពេញ : (ករណីទី ១) នៅវេលាម៉ោង១និង៣០នាទីយប់រំលងអាធ្រាត្រ ឈានចូលថ្ងៃទី១៥ ខែវិច្ឆិកាឆ្នាំ ២០២៤ មានយុវជន៧នាក់ជិះបីគ្រឿងចេញពីដើរលេង ត្រឡប់មកកន្លែងស្នាក់វិញ ត្រូវបានក្មេងទំនើងមួយក្រុមជាច្រើនម៉ូតូជិះដេញវៃ
នឹងធាក់ទៅលើយុវជនពីរនាក់ជិះម៉ូតូមួយគ្រឿងបណ្ដាលឲ្យដួលទៅនៅលើចិញ្ចើមផ្លូវរងការខូចខាត ហើយថែមទាំងចាក់សោរកម៉ូតូជនរងគ្រោះ រួចយកសោរទៅបាត់ទៀត
ស្ថិតនៅតាមបណ្ដោយផ្លូវហា ណូយ ខាងជើងស្ពានអាកាសផ្សារដីហុយ ស្ថិតនៅក្នុងសង្កាត់ទឹកថ្លា ខណ្ឌសែនសុខ។
(ករណីទី ២) នៅវេលាម៉ោង ២ យប់រំលងអាធ្រាត្រឈានចូលថ្ងៃទី ១៥ ខែវិច្ឆិកាឆ្នាំ២០២៤ មានយុវជន៥ នាក់ជិះម៉ូតូ បី គ្រឿងចេញពីដើរលេងត្រឡប់ទៅកន្លែងស្នាក់នៅវិញ ត្រូវបានក្មេងទំនើងមួយក្រុមម៉ូតូជាច្រើនគ្រឿងជិះដេញវៃ បណ្ដាលឲ្យដួលម៉ូតូមួយគ្រឿងនិងរបួសក្បាលយុវជនម្នាក់ ស្ថិតនៅតាមបណ្តោយផ្លូវណត ប៊្រីដ ខាងត្បូងស្ពានអាកាសផ្សារដីហុយ ស្ថិតនៅក្នុងសង្កាត់អូបែកក្អម ខណ្ឌសែនសុខ រាជធានីភ្នំពេញ។
ក្រោយកើតហេតុសមត្ថកិច្ចបានចុះមកដល់បាននាំជនរងគ្រោះទៅដាក់ពាក្យបណ្ដឹងនៅប៉ុស្តិ៍នគរបាលរៀងខ្លួនៗ៕
