ករណី ជួញដូរដោយខុសច្បាប់នូវសារធាតុញៀន(ម៉ាទឹកកក) និងប្រេីប្រាស់អាវុធខុសច្បាប់
-កើតហេតុ៖ ថ្ងៃទី ១៩ ខែ វិច្ឆិកា ឆ្នាំ២០២៤ វេលាម៉ោង ១៥ និង ៣០ នាទី ចំណុចផ្លូវបេតុង ភូមិត្រពាំងត្រាច ឃុំដំណាក់អំពិល ស្រុកអង្គស្នួល ខេត្តកណ្ដាល ។
ឃាត់ខ្លួនជនសង្ស័យ០១នាក់ប្រុស ឃាត់ខ្លួន មានសារធាតុញៀនក្នុងទឹកនោម(+)÷
-ឈ្មោះ ឆាំ អុល ភេទប្រុស អាយុ៣១ឆ្នាំ ជនជាតិខ្មែរ មុខរបរមិនពិត រស់នៅភូមិព្រៃសាលា ឃុំរលាំងគ្រេីល ស្រុកសំរោងទង ខេត្តកំពង់ស្ពឺ ។
វត្ថុតាងដកហូត÷
-ម្សៅក្រាមសថ្លាសង្ស័យសារធាតុញៀន(ម៉ាទឹកកក) ០៥កញ្ចប់ (ធំ០២កញ្ចប់ ,មធ្យម០៣កញ្ចប់) ទម្ងន់ ២២៣,៨ក្រាម
-អាវុធខ្លី០១ដេីម ម៉ាកK54 (បង់០១ ,គ្រាប់០៦គ្រាប់)
-រថយន្ត០១គ្រឿង ម៉ាកToyota Prius សេរីឆ្នាំ២០១២ ពណ៌ទឹកប្រាក់ ពាក់ផ្លាកលេខភ្នំពេញ2BF.4636 (គ្មានឯកសារ)
-ជញ្ជីងថ្លឹងថ្នាំញៀន០១
-លុយខ្មែរ ៤លានរៀល
-ទូរសព្ទដៃ១គ្រឿង ម៉ាកoppo (ពណ៌ស-ផ្ទៃមេឃ)
-ឧបករណ៍ប្រើប្រាស់ វេចខ្ចប់ថ្នាំញៀនមួយចំនួន។
សភាពនៃរឿងហេតុ
-នៅថ្ងៃ ខែ ឆ្នាំ វេលាម៉ោងកើតហេតុខាងលើ ផ្នែកនគរបាលប្រឆាំងគ្រឿងញៀនស្រុក បានទទួលព័ត៌មានពីមហាជនល្អថាមានមុខសញ្ញាជួញដូរដោយខុសច្បាប់នូវសារធាតុញៀន នៅចំណុចកេីតហេតុ ។
-ក្រោយពីទទួលបានព័ត៌មានបានភ្លាម ដោយមានបទបញ្ជាពីលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល ដឹកនាំបញ្ជាផ្ទាល់ដោយលោកអធិការនគរបាលស្រុកអង្គស្នួល កម្លាំងផ្នែកជំនាញ សហការជាមួយកម្លាំងប៉ុស្តិ៍នគរបាលរដ្ឋបាល ដំណាក់អំពិល សំរោងលេី ពេីក បានចុះទៅដល់កន្លែងកេីតហេតុ បង្ក្រាបឃាត់ខ្លួនជនសង្ស័យបាន១នាក់ ដកហូតវត្ថុតាងដូចខាងលេី រួចបញ្ជូនមកកាន់អធិការដ្ឋាននគរបាលស្រុក ដេីម្បីបន្តនីតិវិធី។
-នៅចំពោះមុខសមត្ថកិច្ច ជនសង្ស័យបានឆ្លេីយសារភាពថា ថ្នាំញៀនម៉ាទឹកកកខាលេី ទិញពីមុខសញ្ញាឈ្មោះ ធី ភេទប្រុស អាយុប្រហែល៣៧ឆ្នាំ ជនជាតិខ្មែរ មុខរបរមិនពិត រស់នៅខេត្តកំពង់ស្ពឺ ក្នុងតម្លៃពីរលានរៀល ដេីម្បីលក់បន្ត។
-ជនសង្ស័យ រួមជាមួយវត្ថុតាង ត្រូវបានបញ្ជូនមកកាន់អធិការដ្ឋាននគរបាលស្រុក ដើម្បីសាកសួរបន្ត និងកសាងសំណុំរឿងចាត់ការតាមនីតិវិធី ។
