ខេត្តបាត់ដំបង៖ ក្មេងស្រីអាយុ១៤ខែម្នាក់បានដើរធ្លាក់ទឹកប្រឡាយបណ្តាលអោយលង់ស្លាប់យ៉ាងអាណោចអាធ័មខណៈពេលដែលឪពុកកំពុងដេកលក់។
ហេតុការណ៍គួរអោយភ្ញាក់ផ្អើលខាងលើនេះបានកើតឡើងនៅវេលាម៉ោង ១៤និង៣០នាទី ថ្ងៃទី ២១ ខែវិច្ឆិកា ឆ្នាំ២០២៤ នៅចំណុចប្រឡាយកូនអូរមួយកន្លែង ស្ថិតក្នុងក្រុមទី០៥ ភូមិសាមគ្គី ឃុំសំឡូត ស្រុកសំឡូត ខេត្តបាត់ដំបង។
សាកសពក្មេងរងគ្រោះមានឈ្មោះ សៅ ស្រីនិច ភេទស្រី អាយុ១៤ខែ រស់នៅក្រុមទី០៥ ភូមិស្រែរាជ ឃុំស៊ុង ស្រុកសំឡូត ខេត្តបាត់បង់ ហើយពេលនេះត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។
