ជនជាតិចិនស្រវឹងស្រាជោគបើករថយន្តម៉ាកសឺដេស បុកបង្គោលថ្មអមផ្លូវរថភ្លើង ហើយបើករថយន្តទាំងបែកកង់មកឈប់ដេកធ្វើព្រងើយ

ហេតុការណ៍នេះកើតឡើងកាលពី វេលាម៉ោង ១ និង ១០ នាទីយប់រំលងអាធ្រាត្រឈានចូលថ្ងៃទី ២៧ ខែវិច្ឆរាឆ្នាំ ២០២៤។ស្ថិតនៅតាមបណ្តោយផ្លូវបេតុងអមផ្លូវរថភ្លើងខាងក្រោយប៉ុស្តិ៍នគរបាលរដ្ឋបាលកាកាបទី ២ សង្កាត់កាកាបទី២ ខណ្ឌពោធិសែនជ័យ រាជធានីភ្នំពេញ។

ក្រោយកើតហេតុសមត្ថកិច្ចមូលដ្ឋានបានចុះមកដល់បាននាំគ្នាហៅដាស់បុរសជនជាតិចិនខាងលើឲ្យភ្ញាក់ឡើង តែមិនភ្ញាក់នៅសម្ងំដេកនៅក្នុងរថយន្តធ្វើមិនដឹង ទើបសមត្ថកិច្ចមូលដ្ឋានទាក់ទងទៅសមត្ថកិច្ចជំនាញចុះមកពិនិត្យជាក់ស្ដែងនៅកន្លែងកើតហេតុ៕