រាជធានីភ្នំពេញ ៖ មានបុរសម្នាក់បានតាំងខ្លួនជាកងកម្លាំងសមត្ថកិច្ចនគរបាល ផ្នែកពន្លត់អគ្គិភ័យ បានចូលផឹកស៊ីក្នុងហាងមិនស្គាល់ឈ្មោះ ក្នុងសង្កាត់កំបូល ខណ្ឌកំបូល ហេីយមិនបានគិតលុយឱ្យគេហេីយថែមទាំងយកទូរស័ព្ទម្ចាស់ហាងទៅបាត់ កាលពីយប់ថ្ងៃទី១៩ ខែមេសា ឆ្នាំ២០២៥នេះ យោងតាមផេកឈ្មោះ ការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានបញ្ជាក់ថា បុគ្គលខាងលេីនេះ មិនមែនជាកងកម្លាំង ឬមន្ត្រី របស់ការិយាល័យបង្ការពន្លត់អគ្គិភ័យនោះទេ ។
ករណីនេះ នៅយប់ថ្ងៃទី២១ ខែមេសា ឆ្នាំ២០២៥នេះ កម្លាំងសមត្ថកិច្ចនគរបាលខណ្ឌកំបូល ដឹកនាំដោយអធិការរងមិនស្គាល់ឈ្មោះ បានធ្វេីការស្រាវជ្រាវ ស្វែងរកបុគ្គលខាងលេី រហូតដល់ក្នុងឃុំព្រែកគយ ស្រុកស្អាង ខេត្តកណ្ដាល ដោយបានសហការជាមួយ កម្លាំងប៉ុស្តិ៍នគរបាលព្រែកគយ ឃាត់ខ្លួនយកមកសួរនាំនៅស្នាក់ការប៉ុស្តិ៍ ហេីយក៏មានអ្នកសារព័ត៍មាន តាមទៅសម្ភាសន៍សួរនាំនៅមុខនោះផងដែរ ។
បច្ចុប្បន្នជនសង្ស័យត្រូវបាន នគរបាលខណ្ឌកំបូល នាំយកទៅសាកសួរ និងកសាងសុំណំរឿងបន្តតាមនីតិវិធី ៕
