ខេត្តបាត់ដំបង៖ជនសង្ស័យ០១នាក់ត្រូវបានកម្លាំងមូលដ្ឋានកងរាជអាវុធហត្ថស្រុកភ្នំព្រឹក ឃាត់ខ្លួនក្រោយទទួលបានបណ្តឹងពាក់ព័ន្ធពីបទរំលោភសេពសន្ថវ: ទៅលើកូនចុង០២នាក់បានសម្រេចជាច្រើនដង។
កិច្ចប្រតិបត្តិការខាងលើនេះធ្វើឡើងនៅវេលាម៉ោង ១០និង០០នាទី ថ្ងៃទី០៧ ខែតុលា ឆ្នាំ២០២៤ នៅចំណុចភូមិបួរ ឃុំបួរ ស្រុកភ្នំព្រឹក ខេត្តបាត់ដំបង ដោយបានឃាត់ខ្លួនជនសង្ស័យ០១នាក់ឈ្មោះ ភឹម គា ហៅ សាក់ ភេទប្រុស អាយុ ៤១ឆ្នាំ មុខរបរកម្មករ ដែលជនសង្ស័យខាងលើនេះបានធ្វើសកម្មភាពចាប់រំលោភសេពសន្ថវ:ទៅលើ ឈ្មោះ គា.ស្រ.ម.ង ភេទស្រី អាយុ ១៤ឆ្នាំ មុខរបរសិស្សនិងឈ្មោះ គា.ស្រ.ម ភេទស្រី អាយុ ១២ឆ្នាំ មុខរបរសិស្ស ត្រូវជាកូនចុង រស់នៅជាមួយគ្នា ដោយបានប្រព្រឹត្តកាលពីថ្ងៃ០៥ ខែតុលា ឆ្នាំ២០២៤ វេលាម៉ោង ១០និង៣០នាទី បានសម្រេចនៅក្នុងផ្ទះជាច្រើនដងកន្លងមក ខណ:ពេលប្រពន្ធមិននៅចេញទៅធ្វើការបាត់ ។
ក្រោយពីឃាត់ខ្លួន ជនសង្ស័យត្រូវបានកម្លាំងមូលដ្ឋានកងរាជអាវុធហត្ថស្រុកភ្នំព្រឹក បញ្ជូនបន្តទៅកាន់ការិយាល័យជំនាយខេត្តបាត់ដំបង ដើម្បីចាត់ការតាមនិតិវិធី ។
