ភ្នំពេញ-យុវជនម្នាក់រងរបួសធ្ងន់ខណៈកំពុងបើករ៉ឺម៉កដឹកសាច់ជ្រូកយកទៅឲ្យត្រូវរថយន្តមួយគ្រឿងមិនចាំម៉ាកនិងផ្លាកលេខបុកចំពីក្រោយយ៉ាងពេញទំហឹង. ។ដោយហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងនៅវេលាម៉ោង៦និង១៥នាទីព្រឹក ថ្ងៃទី១៥ ខែតុលា ឆ្នាំ២០២៤. ស្ថិតនៅតាមបណ្តោយផ្លូវ១៩៨៦ សង្កាត់ភ្នំពេញថ្មី. ខណ្ឌសែនសុខ រាជធានីភ្នំពេញ។
យុវជនរងគ្រោះខាងលើនេះមានឈ្មោះ ប្រុស អ៊ូក អាយុ១៨ឆ្នាំ មុខរបរបើករ៉ឺម៉កដឹកសាច់ជ្រូក មានស្រុកកំណើតនៅឯខេត្តកំពត។
យោងតាមប្រភពព័ត៍មាននៅកន្លែងកើតហេតុបានឲ្យដឹងថា. មុនពេលកើតហេតុជនរងគ្រោះខាងលើបានដឹកសាច់ជ្រូកចេញពីផ្សារអូរឬស្សីដើម្បីយកមកឲ្យម៉ូយនៅផ្សារដីហុយ ខណៈកំពុងបើករ៉ឺម៉កដឹកសាច់ជ្រូកតាមបណ្តោយផ្លូវ១៩៨៦ ក្នុងទិសដៅពីកើតទៅលិច ស្រាប់តែមានរថយន្តមួយគ្រឿងទៀតមិនចាំម៉ាកបានបុកពីក្រោយប៉ើងទៅបុកផ្ទប់ជាមួយបង្គោលដែកបង្ហាញលេខផ្លូវនិងរាន្តទេវតា បណ្តាលឲ្យបែកក្បាលហូរឈាមជោគជាំ ត្រូវបានបញ្ជូនទៅកាន់មន្ទីរពេទ្យព្រះកុសុមះដើម្បីធ្វើការសង្រ្គោះភ្លាមៗ។
ចំណែកអ្នកបើកបររថយន្តបង្កបានព្យាយាមបើករត់យន្តរត់គេចខ្លួនបាត់ស្រមោលតែម្តង។
ក្រោយពេលកើតហេតុសមត្ថកិច្ចមូលដ្ឋានប៉ុស្តិនគរបាលសង្កាត់ភ្នំពេញថ្មីសហការជាមួយកម្លាំងជំនាញនគរបាលចរាចរណ៍ខណ្ឌសែនសុខបានចុះមកធ្វើការវាស់វែងនៅទីតាណងកើតហេតុខាងលើនិងឆែកកាំម៉ារ៉ាសុវត្ថិភាពដើម្បីស្រាវជ្រាវរកផ្លាកលេខរថយន្តនិងអ្នកបើកបររថយន្តបង្កយកមកចាត់ការតាមផ្លូវច្បាប់នៅពេលក្រោយ៕
