ភ្នំពេញ៖ បុរសម្នាក់បើករថយន្តម៉ាក toyota priusចុះពីលើស្ពានព្រះមុនីវង្សបួងចង្កូតបត់យ៉ាងលឿនទាំងស្ថានភាពស្រវឹងក៏បានរេចង្កូតជ្រុលទៅបុករះកន្លែងលក់ម្ហូបអាហារក្នុងផ្សារច្បាអំពៅបណ្តាលឲ្យខូចខាតម៉ូតូជាច្រើនគ្រឿងរួមទាំងសម្ភារះមួយចំនួនធំនិងបណ្តាលឲ្យស្រ្តីម្នាក់រងរបួសធ្ងន់ត្រូវបានដឹកទៅសង្រ្គោះភ្លាមៗ។
ហេតុការណ៍គ្រោះថ្នាក់ចរាចរណ៍ខាងលើនេះដែរបង្កការភ្ញាក់ផ្អើលកាលពីវេលាម៉ោង២:៣០នាទីរំលងអាធ្រាតឈានចូលថ្ងៃទី១៩ខែតុលា ឆ្នាំ២០២៤ ចំនុចផ្សារច្បាអំពៅ ក្នុងសង្កាត់ច្បាអំពៅទី២ ខណ្ឌច្បាអំពៅ រាជធានីភ្នំពេញ។
ប្រភពពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញរថយន្តបង្កម៉ាកtoyota priusពណ៌ទឹកប្រាក់ពាក់ផ្លាកលេខ ភ្នំពេញ 2BQ- 0219 បើកបរដោយបុរសម្នាក់ធ្វើដំណើរចុះពីលើស្ពានព្រះមុនីវង្សក្នុងទិសដៅពីលិចមកកើត ខណះពេលបើកមកដល់ ចំនុចកើតហេតុចុងស្ពានក៏បានបួងចង្កូតបត់ឆ្វេងយ៉ាងលឿនកាត់តាមផ្សារច្បាអំពៅក៏ជ្រុលទៅបុករះកន្លែងលក់ម្អូបអាហារ រងការខូចខាតសម្ភារះរាយប៉ាយពេញផ្លូវហើយរថយន្តមិនទាន់អស់ល្បឿនបន្តទៅបុករះម៉ូតូដែលឈុបចតនៅខាងមុខផ្សារងការខូចខាតអស់ជាច្រើនគ្រឿងនិងបណ្តាលឲ្យស្រ្តីជាអ្នកលក់ដូរម្នាក់រងរបួសធ្ងន់ត្រូវបានដកយកទៅសង្រ្គោះភ្លាមៗផងដែរ ចំណែកអ្នកបើកបរត្រូវសមត្ថកិច្ចឃាត់យកទៅអធិការដ្ឋាននគរបាលខណ្ឌច្បារអំពៅដើម្បីសួរនាំបន្ត។
បន្ទាប់ពីកើតហេតុខាងលើសមត្ថកិច្ចមូលដ្ឋានសហការជាមួយនឹងជំនាញចរាចរណ៍ចុះមកដល់ធ្វើការវាស់វែងយករថយន្តបង្កទៅរក្សាទុកដើម្បីរង់ចាំការដោះស្រាយជាមួយនឹងភាគីរងគ្រោះនៅពេលក្រោយ។
