ភ្នំពេញ-សង្ស័យស្រវឹងមើលផ្លូវលែងឃើញអ្នកបើកបររថយន្តព្រូសព៍ណទឹកប្រាក់ពាក់ផ្លាកលេខភ្នំពេញ2BR-8606 មួយគ្រឿងបានបើករថយន្តលឿនដូចយន្តហោះបោះពួយទៅបុកបង្គោលដែកថែបត្រេតអស់មួយដើមនិងជ្រុលទៅបុករថយន្តព្រូសដូចគ្នាមួយគ្រឿងទៀតដែលម្ចាស់ចតទុកមុខផ្ទះ ។
ដោយហេតុការណ៍បុកអត់ប្រណីខាងលើនេះបានកើតឡើងតាំងពីវេលាម៉ោង៣ទៀបភ្លឺថ្ងៃទី១៩ ខែតុលា ឆ្នាំ២០២៤ ស្ថិតនៅចំនុចមុខពេទ្យរុស្ស៊ី តាមបណ្តោយផ្លូវ២៧១ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នាំពេញ។
បើយោងតាមកាំម៉ារ៉ាសុវត្ថិភាពនៅទីតាំងកើតហេតុខាងលើឆែកឃើញនៅវេលាម៉ោង៣ម៉ោងនៅក្នុងកាំមរ៉ាសុវត្ថិភាពគេឃើញអ្នកបើកបររថយន្តបង្កខាងលើបើករថយន្តក្នុងទិសដៅពីលិចទៅកើតក្នុងស្ថានភាពស្រវឹងជោគជាំ លឿនដូចយន្តហោះបានរេចង្កូតចូលទៅបុកបង្គោលដែកថែបនៅមុខផ្ទះបើកម៉ាតមួយកន្លែងត្រេតអស់មួយដើមហើយរថយន្តស្ទុះផ្លោងទៅបុករថយន្តមួយគ្រឿងទៀតដែលម្ចាស់គេចតទុកនៅមុខផ្ទះកំពិតគូថក្រោយផ្នែកខាងស្តាំរងការខូចខាតយ៉ាងដំណំ ហើយអ្នកបើកបរព្យាយាមបើករថយន្តរត់គេចរហូតដល់ផ្លូវ៣៧១ ភូមិទំនប់ទឹក សង្កាត់បឹងទំពុនទី២ ខណ្ឌមានជ័យបម្រុងយករថយន្តទៅជួសជុលតែចូលច្រលំកន្លែងធ្វើម៉ូតូកង់៣ទើបអ្នកបើកបរបើកបររថយន្តបង្កខាងលើទុកចោលរួចចុះរត់គេចខ្លួនបាត់ស្រមោល។
ក្រោយពេលកើតហេតុម្ចាស់រថយន្តព្រូសដែលរងការខូខាតនិងសមត្ថកិច្ចប៉ុស្តិស្ទឹងមានជ័យ២សហការជាមួយកម្លាំងជំនាញនគរបាលចរាចរណ៍ខណ្ឌមានជ័យទៅរករថយន្តឃើញនៅទៅតាំងខាងលើនិងប្រគល់រថយន្តយកទៅរក្សាទុកនៅការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញដើម្បីដោះស្រាយគ្នានៅពេលក្រោយ៕
