ភ្នំពេញ ÷ យុវជនម្នាក់រងរបួសធ្ងន់ចំណែកយុវត៏ម្នាក់ទៀតរងរបួសស្រាល ក្នុងហេតុការណ៍គ្រោះថ្នាក់ចរាចរណ៍មួយបានកើតឡើងកាលពី វេលាម៉ោង៥និង២០នាទីល្ងាច ថ្ងៃទី២៨ ខែតុលា ឆ្នាំ២០២៤ ស្ថិតនៅតាមបណ្តោយផ្លូវ៣០ម៉ែត្រ បុរីសន្តិភាព២ សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ ។
យោងតាមប្រភពព័ត៍មាននៅកន្លែងកើតហេតុខាងលើបានឲ្យដឹងថា មុនពេលកើតហេតុគេឃើញមានក្រុមកីឡាប្រដាល់មួយក្រុមកូនសិស្សរបស់លោកគ្រូពេជ្រសុផាន់. កំពុងតែរត់ហ្វិកហាត់ តាមផ្លូវ៣០ម៉ែត្រម្តុំបុរីសន្តិភាព២ ពីទិសដៅពីលិចទៅកើត. ចំណឬកយុវតីនិស្សិតពេទ្យខាងលើជិះម៉ូតូមួយគ្រឿងម៉ាងហុងាសេ១២៥ ព៍ណខ្មៅពាក់ផ្លាកលេខព្រៃវែង1Q-5008 ក្នុងទិសដៅពីកើតទៅលិច. ស្របពេលនោះក៏មានរថយន្តសណ្តោងមួយគ្រឿងព៍ណសពាក់ផ្លាកលេខភ្នំពេញ3F-6490 បើកបរដោយបុរសម្នាក់ម្នាក់ពីទិសដៅពីកើតទៅលិចក្នុងល្បឿនយ៉ាងលឿនបានវ៉ាម៉ូតូកង់៣នៅខាងមុខរេចង្កូតជ្រុលទៅបុកក្រុមកីឡាករដែលកំពុងតែរត់ហាត់នៅខាងមុខរងបួសធ្ងន់ហើយបុកយុវតីម្នាក់ទៀតដែលកំពុងជិះម៉ូតូរងរបួសស្រាលរួចបន្តល្បឿនទៅបុកបង្គោលភ្លើងបំភ្លឺផ្លូវបាក់អស់១ដើមទៀតទើបរថយន្តខាងលើទៅមុខលែងរួច។
ក្រោយពេលកើតហេតុសមត្ថកិច្ចមូលដ្ឋានប៉ុស្តិនគរបាលចោមចៅ២សហការណ៍ជាមួយកម្លាំងជំនាញនគរបាលចរាចរណ៍ខណ្ឌពោធិសែនជ័យបានចុះមកដល់ទីតាំងកើតហេតុខាងលើដើម្បីធ្វើការវាស់វែងនិងយករថយន្តខាងលើទៅរក្សាទុកដើម្បីដោះស្រាយគ្នានៅពេលក្រោយ៕
