ភ្នំពេញ – យុវជនម្នាក់បានស្លាប់ភ្លាមៗយ៉ាងអណោចអធម ខណៈកំពុងតែកំពុងជិះម៉ូតូឆ្លងផ្លូវត្រូវរថយន្តមួយគ្រឿងបុកយ៉ាងពេញទំហឹង។
ដោយហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១១និតង១៥នាទីព្រឹក ថ្ងៃទី៧ ខែវិច្ឆិកា ឆ្នាំ២០២៤ ស្ថិតនៅតាមបណ្តោយផ្លវក្រវាត់ក្រុងទី ៣ ភូមិគោកខ្សាច់ សង្កាត់ភ្លើងឆេះរទេះ ខណ្ឌកំបូលរាជធានីភ្នំពេញ។
សពយុវជនរងគ្រោះខាងលើមានឈ្មោះ ណាំង បញ្ញា អាយុ១៥ឆ្នាំ មុខរបរសិស្ស. ស្នាក់នៅក្បែរម្តុំចំនុចកើតហេតុខាងលើ។
បើយោងតាមប្រភព័ត៍មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញយុវជនរងគ្រោះខាងលើជិះម៉ូតូមួយគ្រឿងម៉ាកហុងដា Beat. ព៍ណសលាយខៀវ ពាក់ផ្លាកលេខភ្នំពេញ 1HI-6738 ធ្វើដំណើរចេញពីសាលាបម្រុងនិងត្រលប់ទៅផ្ទះវិញក្នុងទិសដៅពីកើតទៅលិច លុះដល់ចំនុចផ្លូវបំបែកជា៤ក៏ជិះឆ្លងផ្លូវ. ត្រូវបានរថយន្តមួយគ្រឿងម៉ាក SENA ព៍ណទឹកមាសពាក់ផ្លាកលេខភ្នំពេញ 2BD-0596 បើកបរដោយបុរសម្នាក់ក្នុងទិសដៅពីជើងទៅត្បូង ក្នុងល្បឿនយ៉ាងលឿនបានជ្រុលចង្កូតទៅបុកយុវជនរងគ្រោះខាងលើដែលកំពុងតែជិះម៉ូតូឆ្លងផ្លូវយ៉ាងពេញទំហឹងផ្លោងហោះទៅលើខ្ទាតប្រហែលជាង២០ម៉ែត្រចូលទៅកន្លែងលក់បាយបណ្តាលឲ្យបោកក្បាលស្លាប់ភ្លាមៗនៅកន្លែងកើតហេតុ។
ចំណែកអ្នកបើកបររថយន្តខាងលើត្រូវបានប្រជាពលរដ្ឋព្រួតគ្នាជួយចាប់ប្រគល់ទៅឲ្យសមត្ថកិច្ចនគរបាលសង្កាត់ភ្លើងឆេះរទេះធ្វើការសាកសួរតាមនិតិវិធី។
ក្រោយពេលកើតហេតុសមត្ថកិច្ចមូលដ្ឋានសហការជាមួយកម្លាំងជំនាញនគរបាលចរាចរណ៍ខណ្ឌកំបូលនិងកម្លាំងជំនាញការិយាល័យចរាចរណ៍ជើងគោកនៃស្នងការដ្ឋានគរបាលរាជធានីភ្នំពេញចុះមកធ្វើការវាស់វែងនៅទីតាំងកើតហេតុខាងលើនិងយករថយន្តនិងម៉ូតូទៅរក្សាទុកដើម្បីដោះស្រាយគ្នាតាមផ្លូវច្បាប់នៅពេលក្រោយ។
ចំណែកសពយុវជនរងគ្រោះខាងលើសមត្ថកិច្ចបានធ្វើកំណត់ហេតុប្រគល់ទៅឲ្យក្រុមគ្រួសារដឹកយកទៅធ្វើបុណ្យតាមប្រពៃណី៕
