#កំពង់ស្ពឺ÷ ថ្ងៃទី២១ ខែកញ្ញា ឆ្នាំ ២០២៤ វេលាម៉ោង៥:០០ នាទីទាបភ្លឺ នៅចំណុចផ្ទះសំណាក់យីហោឈ្មោះឡេង មុំ ដែលស្ថិតនៅភូមិទី៣ ឃុំយាយម៉ៅពេជ្រនិល ស្រុកភ្នំស្រួចមានឈ្មោះ ស៊ីម ផាន់ណា ហៅពេជ្រ ភេទប្រុស អាយុ២១ ឆ្នាំ រស់នៅភូមិតាឡាត់ចាស់ ឃុំអូរ ស្រុកភ្នំស្រួច បានធ្វើសកម្មភាព លួចយកម៉ូតូរបស់ខ្លួន១គ្រឿងម៉ាកហុងដា Beat ពណ៌ក្រហម ស៊េរីឆ្នាំ ២០២៣ មិនចាំស្លាកលេខ និងទូរស័ព្ទដៃ១គ្រឿងម៉ាក iphone 11 ពណ៌ទឹកសមុទ្រ បានសម្រេចរួចជិះគេចខ្លួនទៅបាត់ ខណៈពេលខ្លួនកំពុងដេកលង់លក់។
មកដល់ថ្ងៃ២២ ខែកញ្ញា ឆ្នាំ២០២៤ វេលាម៉ោង ២២ និង១៥នាទី តាមរយៈការស្រាវជ្រាវ នៅចំណុចផ្ទះសំណាក់យីហោ ម៉ី ជីង ស្ថិតនៅក្នុងភូមិក្រោលក្រសាំង ឃុំកាត់ភ្លុក ស្រុកបសេដ្ឋ កម្លាំងអធិការដ្ឋានស្រុកភ្នំស្រួច សហការជាមួយកម្លាំងអធិការដ្ឋានស្រុកបសេដ្ឋ ឃាត់ខ្លួនឈ្មោះស៊ីម ផាន់ណា ហៅពេជ្រ នៅទីតាំងខាងលើ និងវត្ថុតាងដកហូតវត្ថុតាង ៖
-ម្សៅក្រាមពណ៌សថ្លា សង្សយ័ថាគ្រឿងញៀន ៣កញ្ចប់(តូច២ មធ្យម១)
-ទូរស័ព្ទដៃម៉ាក iphone 11 ពណ៌ទឹកសមុទ្រ ចំនួន១គ្រឿង(ទូរសព្ទ័របស់ជនរងគ្រោះ)។
តាមចម្លើយរបស់ឈ្មោះស៊ីម ផាន់ណា ហៅពេជ្រ បានឆ្លើយសារភាពថា ខ្លួនពិតជាបានធ្វើសកម្មភាពខាងលើពិតប្រាកដមែន ហើយបានលក់ម៉ូតូខាងលើ ទៅអោយឈ្មោះម៉េង ភេទប្រុស អាយុ២៨ឆ្នាំ រស់នៅស្រុកបសេដ្ឋ ក្នុងតម្លៃ៤០០ដុល្លារ ។
លុះមកដល់ថ្ងៃទី២៣ ខែកញ្ញា ឆ្នាំ២០២៤ វេលាម៉ោង១២ និង៤០នាទី កម្លាំងអធិការដ្ឋានស្រុកភ្នំស្រួច សហការជាមួយកម្លាំងអធិការដ្ឋានស្រុកបសេដ្ឋ បានទៅដល់ចំណុចផ្ទះរបស់ឈ្មោះ សោ ម៉េង និងបានបន្ដឃាត់ខ្លួនមនុស្ស៥នាក់ទៀត៖
១-ឈ្មោះ សោ ម៉េង ភេទប្រុស អាយុ២១ឆ្នាំ រស់នៅភូមិនរាយណ៍ ឃុំពោធិ៍អង្ក្រង ស្រុកបសេដ្ឋ
២-ឈ្មោះអាត ភារៈភេទប្រុស អាយុ២៣ឆ្នាំ រស់នៅភូមិសេរីអណ្តែត ឃុំនិទាន ស្រុកបសេដ្ឋ
៣-ឈ្មោះសោ ម៉េន ភេទប្រុស អាយុ២៦ឆ្នាំ រស់នៅភូមិនរាយណ៍ ឃុំពោធិ៍អង្ក្រង ស្រុកបសេដ្ឋ
៤-ឈ្មោះវ៉ាន់ ស៊ីគ័ន ភេទប្រុស អាយុ១៦ឆ្នាំ រស់នៅភូមិព្រៃស្រ៊ូល ឃុំពោធិ៍អង្ក្រង ស្រុកបសេដ្ឋ
៥-ឈ្មោះហ៊ន ឧត្តម ភេទប្រុស អាយុ២៤ឆ្នាំ មានទីលំនៅមិនពិតប្រាកដ
+ដកហូតវត្ថុតាងបាន ៖
-ម៉ូតូម៉ាកហុងដា Beat ពណ៌ក្រហម ស៊េរីឆ្នាំ ២០២៣ ស្លាកលេខ កំពង់ចាម 1AC-0106 (ម៉ូតូរបស់ជនរងគ្រោះ) ចំនួន១គ្រឿង
-ម៉ូតូម៉ាកអ៊ីស៊ីតទ័រ ពណ៌ខ្មៅ គ្មានស្លាកលេខ (ម៉ូតូរបស់ជនសង្ស័យ សោ ម៉េង) ចំនួន១គ្រឿង
-ម្សៅក្រាមពណ៌សថ្លាចំនួន១៧កញ្ចប់ តូច១៦ មធ្យម១ សង្ស័យជាគ្រឿងញៀន
-ជញ្ជីងអេឡិចត្រនិចសំរាប់ថ្លឹងគ្រឿងញៀនចំនួន១
-ដាវកែច្នៃ២ដើម
-កាំបិតផ្គាក់១ដើម
-ឧបករណ៍សម្រាប់វេចខ្ចប់គ្រឿងញៀនមួយចំនួន
-ករណីខាងលើជំនាញកំពុងសាកសួរ និងកសាងសំណុំរឿងចាត់ការតាមនីតិវិធី។
